పొద్దు పొడుపు

చూచిరాతల నుంచి
స్వంతరాతల వైపు
అడుగులిప్పుడే వేస్తున్నాను !
జ్ఞాన తృ ష్ణ లోని నిజమైన
గమ్యాన్ని తెలుసుకుంటున్నాను!
జీవితమంటే  ఆనందాన్ని వెతుక్కో వడమనే
సత్యం బోధపడింది !
జీవించడమంటే మన ముద్రను సమాజంపై వేయడమే
అనే తత్వం అలవడింది !
మార్గదర్శకత్వం లేని గమ్యం
తెగిన గాలిపటమే!
మనకోసం మనం
జీవించని జీవితం దుర్భరమే !
ఇకపై 
నడుస్తున్న చరిత్రను 
తెలుసుకోలేని అభాగ్యుడిగ మిగిలిపోను !
నేనే కొత్త చరిత్రను నిర్మిస్తాను!
పొడుస్తున్న పొద్దులా 
ఉదయిస్తాను.